政情：王國強愛生炒骨有段古

公職多籮籮嘅廣東社團總會主席KK王國強，每日應酬閒閒哋跑幾場，但佢每逢請客都會首選位處尖沙咀The Mira、米芝蓮兩星嘅「國金軒」粵菜廳，KK最鍾意食「子薑生炒排骨」，大讚啲生炒排骨皮脆肉嫩，酸甜醬汁恰到好處，笑言係全港數一數二。

原來KK愛吃生炒骨有段古，佢憶述十幾年前有次去美國東岸探望囝囝，囝囝就帶佢去當地一間唐人餐館品嘗生炒骨，估唔到喺外國食唐餐一樣咁惹味，自此佢就愛上生炒骨。

Money18 新功能「18好路數」為你預測心水股票升跌機會率

子薑生炒排骨同淮陽浸東星都係王國強愛吃嘅菜式。