中策集團主席馬時亨最近又再接受新挑戰，獲委任為農業銀行獨立非執行董事，佢日前就啟程飛上京參加農行會議，並正式接受任命，仲約會好友食飯敍舊。
肥亨喺北京期間，咁啱撞正全國人大、政協兩會開鑼，佢可謂處處都撞到老友，真係約都冇咁啱，所以佢會喺北京逗留耐啲，等啲老友得閒就一齊去食飯傾偈。估唔到平時大家喺香港各有各忙，難得個個都身處北京，話咁易就約齊腳。