短打長擊：淡化逃亡潮 周一鑊抵鬧

公立醫院不斷爆發醫生逃亡潮，食衞局局長周一嶽仍然死撐，都唔知佢對眼點睇嘢、耳朵點聽嘢、個腦點思考？周局長，醫護人員大量流失無損士氣？何以醫管局高層連日來要落區拆彈，空群而出聽取醫生的不滿及訴求？

公共醫療醫生協會會長蘇潔瑩稱，會方已向醫管局提出六大訴求，包括加快晉升速度、增設額外當值津貼、公開人手安排等，如果局方未能提出改善藍圖，將會採取工業行動。前線醫生聯盟前主席羅智峯則指出：「由受訓至取得專科資格，再做多十年都未升，前後累積做咗十七、八年，係人都走啦！」

前線醫生嚴重流失，現職醫護人員做到有氣冇碇抖，周一鑊卻廢噏完再廢噏，以為咁就會有魔法，前線醫護人員做到氣咳都會笑晒口！庸官只懂文過飾非，完全不明白解決之道是要正視而不是迴避。

周一鑊日前竟然表示，當前線人手唔夠，中層及高層醫生亦要落場幫手！如此做法，猶如莊子於《人間世》所說的：「以火救火，以水救水，名之曰益多。」以水救火，以土救水，這是常識；若然以火救火，以水救水，只會令問題更加惡化！

有高級醫生批評周一鑊企圖淡化內科逃亡潮，而把高級醫生調去前線，不但未能善用資深醫生的經驗和技術，更直接剝削受訓醫生的培訓機會。

香港的畸形政治環境，就係容許庸官尸位素餐，一流薪酬，九流表現，完全沒有民心我心、執政為民的善心，香港明天點會好？