通脹掀加風，唔玩最低工資委員會公職嘅大家樂主席陳裕光日前出席一個酒會時，形容佢已經功成身退，完成咗釐定最低工資嘅歷史任務。至於飲食業嘅表現，陳老闆就話，通脹壓力大，預告大家樂都要檢討係咪加價喎。
陳老闆話，飲食業面對工資上漲及食材價格暴升嘅難題，天氣異常引發全球通脹，無論係美國雞蛋、巴西豬肉或是新西蘭魚柳，都話加價，佢哋公司雖然實行全球採購，可以紓緩啲加價壓力，但佢哋每三個月會檢討一次，睇吓使唔使加價。
咁樣講，消費者又要提心吊膽喇！