「玩具大王」旭日國際老闆蔡志明買咗「喜運佳」錶行後，一家就旺氣無法擋，先係大女加敏再添咗一對外孫仔，跟住囝囝加讚又同模特兒汪圓圓拍拖，前晚蔡家幾乎總動員出席喜運佳舉行春茗晚宴，蔡志明運氣甚佳，率先抽到價值一萬八千元嘅女裝錶，跟住加讚又抽到獎品，佢哋將物品轉贈或再捐，自己開心、員工更開心。
蔡志明（左二）、太太蔡李惠莉（左一）同加怡（右一）盛裝赴會，心情靚靚。
蔡加讚（右）及蔡加怡（左）兩姊弟拍住上幫爸爸打理生意。
