有閂錯冇放過擴大亂局

【本報訊】「水務署真係要鞭撻！」灣仔區議員麥國風批評水務署反應實在太慢，怒斥「爆一條水喉要六個鐘先閂到水掣」，質疑水務署「有殺錯冇放過」，連閂二十個水掣，導致斷水範圍擴大。他又指摘該署水車不足，大半日仍未恢復供水，簡直離譜。

立法會議員陳淑莊稱，去年灣仔告士打道爆水管已經「大鑊」，今次比上次更嚴重，水務署要認真檢討。食水對居民及各行業都極重要，反應及行動不能慢，今次該署明顯反應緩慢，須為今次大混亂作出交代，並加快更換及修復水管計劃。

香港工程師學會高級副會長陳福祥認為，所有喉管水掣都有紀錄，相信水務署要找出水掣位置不難，不明白該署為何要花上長時間才成功閂水掣。他又指出，爆裂水管屬主要喉管，分支較多，更與其他喉管互通，不似電網般，只要閂上頭尾兩個掣即可切斷電源，故為免有水倒流影響維修，須閂上與該水管接通的所有喉管水掣才可。