Sun角度：三地生果睇真啲

「千祈唔好以為有個標貼，啲生果就係日本或南韓貨！」專賣日本水果的源興生果專賣店負責人麥先生表示，要分辨日本、南韓及內地的水果，便要從水果外形、大小及形狀分辨。

正貨南水梨又圓又扁

日本南水梨就扁扁圓圓，咬落去質地較爽口鬆化、纖維亦較幼細；至於內地嘅南水梨，顏色較淺，口感較差。」此外，在市面售賣的部分日本南水梨，實為內地新高梨，梨身較高。

富士蘋果憑顏色分產地

「日本富士蘋果嘅特色，係由頭紅到尾，底部亦呈鮮紅色。因為當地農夫喺蘋果底部加設反光板，令蘋果底部亦受光，變得鮮紅，而中國富士蘋果就種唔到咁紅！

日韓士多啤梨包裝整齊

來自日本及南韓的士多啤梨，排列較整齊，排在包裝底部的士多啤梨，大小也不會相差太遠，味道較甜，吃後口腔仍留有香濃的士多啤梨味道。至於南韓的士多啤梨，外形較修長，據南韓半官方機構農水產物流通公社的發言人表示，現時近七成輸至香港的南韓士多啤梨，都是名為「梅香」品種，外表帶粉紅色，細小而味濃。至於用來冒充的內地士多啤梨，盒子排列較為凌亂，在底部的士多啤梨細小，味道淡口。