SUN世代：零售達人愛上開OT

她擁有超過二十年的零售業經驗，由初級銷售員做起，憑努力逐步向上攀升，現時擔任國際傢俬零售商高層，徐敏賢（Sandy）真可稱為「零售界達人」。她的成功之道，在於工作態度積極：「我係寓工作於娛樂，好享受做我鍾意嘅嘢，所以我收一百蚊人工，永遠做夠二百五十蚊工作！」

Sandy擁有美貌，身形苗條高挑，但她並非時裝模特兒，而是時裝零售界的女強人。她由初級銷售員做起，抱着勤奮態度，主動從基本學起，慢慢累積豐富經驗，對日常營運、貨品陳列、採購物流、顧客服務等各方面都瞭如指掌，終獲晉升機會。

勤做功課 轉行快上手

她曾在著名時裝品牌擔任要職近十年，後來獲大型傢俬零售商邀請加入。她認為時裝與傢俬有着微妙的共通處：「兩者追求嘅都係設計時尚、品質可靠，我希望將時裝界嘅經驗融入傢俬業！」於是她勇於接受新挑戰轉行。

Sandy花了大量時間做功課，不止「刨熟」厚厚的資料，又特地到工廠學習，認識傢俬製作的材料、工序等。雖然身為管理層，但她沒有呆在辦公室，反而經常親自到門市，記熟所有貨品的資料，又聆聽顧客的需求，及與前線員工溝通。「我份人比較勤力，乜嘢都主動問主動學，所以兩三個月已經上晒手。」

Sandy從事傢俬業至今逾十年，憑着積極樂觀的性格，問題往往能迎刃而解，但去年五月的一個難關，卻令她陷入工作低潮：「嗰時壓力太大，免疫力低，搞到全身由頭到腳都出晒紅疹，成個禮拜瞓得一個鐘，幾個月都返唔到工，真係好沮喪！好彩最尾搵到個好中醫先至好番。呢個經歷令我領悟到，工作上嘅困難，只要努力都可以解決，但身體有事就真係冇晒符，所以一定要好好愛惜身體！」

工作從心 不計較做凸

Sandy現時出任國際傢俬品牌的香港區總經理，由小小一位銷售員擢升至高層，她的秘訣是寓工作於娛樂：「我好鍾意零售呢行，好享受返工嘅每分鐘，因為我鍾意同客人溝通，了解好多唔同嘅文化同故事！我從來冇OT呢個概念，即使放假我都會做公司嘢，因為我鍾意份工，所以唔會計較。」

Sandy Chui

婚姻狀況：未婚

現職：顧家家居香港區總經理

興趣：旅遊、閱讀