青年才俊雲集嘅菁英會，前晚喺豪宅凱旋門Club House筵開幾圍，主席白富鴻、常務副主席洪為民、副主席霍啟剛、莊家彬齊齊現身，女將就有王文博、莊家蕙、傅明憲、邱詠筠、邱詠麒、周沁等。
啟剛姍姍來遲，問到早前佢二叔霍震寰話霍家今年有喜事，啟剛就話霍家今年確實有喜事，因為佢表哥蔡偉基上禮拜啱啱結婚。我哋講緊佢同跳水公主郭晶晶喎！啟剛都係嗰句「我唔答呢個問題」，繼續賣關子。
左起：莊家蕙、莊家彬、中聯辦官員、霍啟剛、白富鴻、洪為民同廖偉麟齊賀新春。
