盛宴大場面 學生勁興奮
【本報訊】逾千人出席的「盛宴」中，包括六十名來自鮮魚行學校的師生及家長。今年十歲的小五學生馮德康坦言平日鮮有機會出外遊玩，今次與同學結伴參與，表現興奮，「平時都係喺屋企食飯，好少會出街食！今次仲要同咁多人一齊，好得意！」當第一道菜「燒味拼盤」上枱時，康仔更對碟上的海蜇特別好奇，即時圍上圍巾大快朵頤，吃得津津有味。
收愛心禮品包省買餸錢
康仔的同班同學黃依敏則與母親一同赴會，黃太直言「從未見過咁大場面」。依敏的爸爸任職地盤工作，工作及收入都非常不穩，黃太須奉行「慳得就慳」格言。為了省下分毫，一家人甚少外出，買餸亦要「慳住慳住」，直指早前接獲愛心禮品包後省回不少「買餸錢」，「禮品包裏面嘅嘢食都可以食好耐，可以慳唔少，新年我哋仲炆冬菇嚟食，當係慶祝吓！」
康仔（右）坦言鮮有參與大型活動，上菜後更急不及待品嘗。
依敏與母親結伴參加「盛宴」，既能感受歡樂的氣氛，又能大快朵頤一番。