長者轟周一嶽睇醫生唔知價

【本報訊】政府雖然將長者醫療券金額加碼一倍至每年五百元，但仍與私營市場診金水平嚴重脫節，有長者在電台烽煙節目中炮轟食物及衞生局局長周一嶽「睇醫生唔知價」；醫學會亦明言對加幅不滿，質疑五百元連替長者做身體檢查都不夠。

醫學會促加至千元

財政預算案建議將資助七十歲或以上長者求診的醫療券計劃延長三年試驗期，每年資助額由二百五十元加至五百元。香港醫學會會長蔡堅對醫療券加幅極不滿意，批評庫房水浸，醫療券金額卻加得少，「五百蚊都唔夠長者做眼科、聽覺檢查，局長唔該考慮清楚將資助加到一千蚊」。

七十一歲的郭女士昨在烽煙節目中質問周一嶽，「依家睇一次私家醫生要二百二十蚊，老人家一年只唔只病兩次呢？就算打電話預約政府門診，今日有病，都要聽日先有得睇！」

周一嶽回應稱，政府原意只是資助長者一半診金，「醫療券只係畀佢哋一個資助，但唔係話全資助，因為睇醫生佢哋都應該付出少少，就唔會濫用醫療資源。」他又謂，政府已因應近年醫生因成本上漲而平均加價至二百元，去調高每張醫療券面值至一百元，長者仍要自掏腰包付約一百元。

營養師歐陽小姐關注醫療券不能用於購買保健產品，市面最便宜的保健品都要一百多元一樽，「如果醫療券唔能夠用係呢方面，你叫人點保健呢？」全港約六十七萬名七十歲或以上長者中，僅四十萬人已登記開設醫療券戶口，當中約三十萬人已用過醫療券來求診，佔合資格長者僅四成半。