財爺鬍鬚曾喺新預算案中，大幅調高新車首次登記稅同煙草稅，唔少立法會議員頓成苦主。會計界代表「波波」陳茂波亦深受其害，本身架車已經揸咗十一年，去年十二月一心換車，無奈架車要喺四月先交收，依家就焗住畀多筆新車首次登記稅嘞。波波對鬍鬚曾突然加稅「出乎意料之外」，但亦都無可奈何喎！
眾所周知，社民連「長毛」梁國雄同建仔嘅「象哥」黃定光都係煙民，政府霎時將煙價加到每包五十蚊，對佢哋梗有影響。長毛批評鬍鬚曾剝削煙民吸煙嘅權利，唔排除會號召煙民上街抗議。