SUN世代：四川行山南極歷險練毅力

別看陳婉珊外表斯文，原來她極愛向高難度挑戰。她最愛行山，但不是一般行山徑，「試過喺四川行山，三千幾米高，要紮營，又冇廁所，去之前都驚自己唔掂，但唔試過唔知，結果又得喎，仲可以訓練毅力。」

去年十二月，她向更高難度挑戰，聯同仁愛堂一班中學生，展開十八天南極之旅。她先從阿根廷乘船六十小時轉往南極，海面巨浪高達三十多呎，到達時南極為夏季，全日都是白晝，旅程可謂歷盡艱辛。「十八日冇電腦、冇電話，好似與世隔絕咁，眼前只見一片冰天雪地同企鵝，真係好難忘！經過呢個trip，感覺個心闊咗同平靜咗，能夠從工作中行開一陣，壓力都消失晒！」

與一班中學生同行，她希望讓年輕人對環保、氣候轉變有所反思，亦可從中鍛煉意志。「近期亦有幫外展青年做導師，其實我哋係互相學習，接觸社區青少年，令我明白好多基層家庭嘅情況。」她亦不時到大學演講，讓年輕人了解工業的發展和前景，吸納更多年輕人入行。