尋日喺新界總商會嘅新春酒會，見到唔少猛人撐場，最矚目嘅係富貴黨榮譽主席田北俊同新民黨副主席田北辰，事關田二少退出富貴黨夥拍葉劉淑儀另起爐灶後，今次係兩兄弟首次喺同一場合公開露面，碰頭亦冇尷尬，仲好好傾添！見田二少喺台上數十名嘉賓埋位後，仲伸長個身同坐喺前排嘅大佬密密傾，田少被佢逗得好開心，唔知講緊乜嘢呢？
田二少唔知講乜逗到田少咁開心呢？
