政情：樓神鍾情Police黑超

長實執行董事「樓神」趙國雄向來破格，早前就大晒新買嘅黑超去晚宴做「型」警。樓神啱啱喺中東返嚟，鍾情Police呢個品牌太陽眼鏡嘅佢新春過去見到啱就即買。樓神鍾意呢個牌子嘅眼鏡流線型又有弧度，啱晒面形，今次呢副四千蚊有交易，家下佢屋企有成六十幾副眼鏡。買佢最愛嘅樓房唔知又有冇咁爽手呢？佢即時耍手唔答，話唔講得有冇買，畀老婆知道唔掂。

不過，講番佢早前去中東旅行，即時又生猛晒。佢話中東嗰邊石油同天然氣資源充足，今次過去都有睇吓有咩好投資，但佢冇「索」油，反而掉轉「吸水」，叫啲老友過嚟香港投資買樓或者幫襯佢哋買基金。

Money18 新功能「18好路數」為你預測心水股票升跌機會率

樓神愛戴黑超，貫徹型格。