SUN世代：反斗星 為睇電視擒棚架

「為咗睇電視，我乜都做得出！」莊家彬說，他自小家教甚嚴，父母要他們四兄妹專心讀書，放學狂補習，也不能隨便看電視，他身為大哥，就挺身而出，為弟妹「發動抗戰」：「啲電視鎖晒o架！試過想揼爆個鎖，但失敗，最激試過擒棚架，偷偷爬入媽咪間房，然後開房門，叫細佬妹一齊入去睇o架！」這個屋企反斗星，更自稱是校園搗蛋王，試過在音樂堂整蠱同學，被罰企一星期，也是因在課堂常常傾偈，被老師認定為「壞分子」。

說起童年，他滔滔不絕，他媽咪原來是邵氏年代的明星，藝名葉靈芝。可能是遺傳，他說四兄妹都有演藝天分。以他為例，他在學時期，參與不少合唱團、舞台劇表演，不過這份外向好像隨年齡增長而遺失了，問到會否在籌款節目獻唱或表演，他耍手擰頭地說：「我依家唔敢啦！之前接觸記者都唔係咁慣，不過依家參加多咗活動，好啲㗎喇！」