尋日喺中華廠商聯合會嘅新春團拜見到盛傳有意競逐下屆會長嘅副會長施榮懷，佢大方承認「積極、認真考慮參選」，但另一位盛傳會落場選嘅第一副會長羅富昌就冇現身。
問在場嘅現任會長黃友嘉同名譽會長陳永棋究竟撐邊個，佢哋都賣關子，話等佢哋正式宣布先喎。黃友嘉仲話廠商會人才濟濟，歡迎有熱誠嘅人出嚟為會員服務，棋哥就四両撥千斤，話廠商會好和諧，大家會有共識o架！
棋哥（右）同下任廠商會會長熱門人選施榮懷（左）握手。
