雖然身兼仁濟醫院董事局第一副主席、理文集團主席李運強細仔Edmond李文斌，喺四月先接替董吳玲玲出任主席，但佢未上場已滿腹大計，尋日邀請咗懲教署署長單日堅出席仁濟新春團拜，透露四月上場後會同懲教署合作成立一個「明日更生基金」，協助釋囚適應社會生活；又會成立基金津貼為嚴重殘疾人士聘請看護。行會成員梁智鴻、華懋慈善基金主席龔仁心胞姊龔中心同胞妹龔因心都現身撐場。
李文斌夫婦齊聲話有一對龍鳳胎已夠晒數，唔會再追。
龔因心（左）同龔中心（右）孖住出席仁濟醫院新春團拜。
