香港專業及資深行政人員協會尋日舉行新春酒會，喺元宵佳節同會員度過一晚溫馨嘅中國情人節，會長胡曉明搶閘預告，七月二十號會帶隊組團遠征非洲，頭尾十二日，主打節目包括睇東非動物大遷徙嘅震撼壯觀場面。
依家人人熱論點樣投資抗通脹，胡曉明話：「將啲錢畀晒太太囉。」暗讚胡太投資生財有道；又指投資人民幣債券，每年可賺三至五厘息，加上升值潛力大，係穩陣嘅抗通脹妙法。
胡曉明（右一）向來賓祝酒。旁為（右起）陳祖澤、常務副會長謝偉銓同梁美芬。
