Sun世代：男士救星 做好每一天
本港近年掀起男士護膚纖體熱潮，男士美容中心開得成行成市，人人望分一杯羹，但在二十年前已經開創為男士提供塑身美容業務，發展至今成為行內殿堂地位，就真是獨具慧眼和高瞻遠矚了。蔡敏思奮鬥二十年，得到今日的成就，她謙虛地說：「由細到大好多嘢都係畀人推去做，由以前細舖到出來發展都係，無刻意去諗好多，希望做好每一天。」
Mence是蔡敏思的英文名，她以名字作為男士美容中心的招牌，就連自己本身，亦是公司的生招牌。看到她年輕的容貌、苗條的身形，難以想像她已是一名育有八歲女兒的媽媽，不過，她並非自細就貪靚：「讀書嗰時係男仔頭，又係肥妹仔，最重試過一百二十八磅。」
十三歲時，媽媽在葵涌區開了一間名為伶雅的美容院，她才開始接觸美容：「睇住人做facial，倒個模、搽吓mask就變靚咗好多。」十四歲她亦第一次嘗試享受facial滋味，至今記憶猶新：「畀人整到塊面好痛，就諗不如自己學，做好啲。」於是，她趁暑假跑去讀美容課程。
十九歲那年的暑假，媽媽已急不及待拉她到美容院幫手，經歷一段hard time：「因為無乜實習經驗，遇到好多困難，成日畀客鬧，試過幫人化新娘妝，話畫到佢高低眉又大細眼，畀人鬧到喊。」後來她慢慢用心機改進，工多自然藝熟。而當時美容院位於工廠區附近，客人多數有暗瘡問題，有不少都是男客。
讚男人唔花心
九二年，她索性將媽媽的生意發揚光大，正式開設命名為Mence的男士美容中心。由當年一間小店，發展到現時在中環、銅鑼灣、佐敦等地區合共有五間分店的Mence，原來並非預計之內：「由細到大唔識say no，好多嘢都畀人推去做。」一名男顧客幫襯過，暗瘡問題大為改善，他的同事「見佢靚咗又走嚟」，自此「愈做愈多客」，惟客人嫌葵涌「唔就腳」，在朋友極力推介下，就在佐敦開了分店，吸引了大批明星客幫襯，後來分店愈開愈多，客似雲來。
美容扮靚是女士專利，但現時卻有八成是男客，到底如何說服男人纖體護膚呢？「以前嘅老思想係男人後生時就搏命賺錢，用健康去換財富，但其實依家啲男人，後生時已經可以keep住健康體魄，我哋嘅男士美容亦係以追求健康為大前提。」
她更讚男士在美容方面不似女士般「花心」：「女士嚟美容，不停想試啲新療程、儀器，但男士就好理性，着重數據，最緊要長期畀到效果佢，唔使太多『花臣』。」被問及會否在內地擴充業務時，她笑道：「無刻意去諗，總之努力做好每一天啦。」
蔡敏思小檔案
現職：
Mence創辦人
其他職銜：
‧香港美容業總會名譽會長
‧香港青少年發展聯會名譽會長
‧香港青年聯會常務會董
‧香港區潮人聯會常務會董
‧蘇港交流促進會常務會董
‧香港潮州商會青年委員
‧香港屯門獅子會會員
‧中華預防醫學會（香港分會）會員
婚姻狀況：
已婚，育有一女
蔡敏思以自己的英文名作為公司的招牌，而她本身keep得又fit又年輕，亦是公司的生招牌。
一有假期，蔡敏思會帶女兒Shanice去旅行和郊遊，舒展身心。 （受訪者提供）
媽媽八○年在葵涌開設伶雅美容，蔡敏思（右）與妹妹不時到舖頭幫手。
蔡敏思（右）感謝媽媽一直以來的支持。 （受訪者提供）
身為香港青年聯會常務會董，蔡敏思不時出席該會活動。
業務蒸蒸日上，Mence亦積極為慈善籌款，回饋社會。