政情：楊釗講佛偈分享三樂
中聯辦尋日舉行新春酒會，眾多政商界名人撐場，大家除咗互相恭喜發財之外，仲講佛偈、講酒經等，令現場好熱鬧。「牛仔褲大王」楊釗係虔誠佛教徒，新正頭佢同大家分享吓「人生三樂」，就係知足常樂、助人為樂同自得其樂，希望大家好似佢咁，學會放下。
楊釗慨嘆香港物質生活豐富，但唔少人只係向錢看，追逐名利，成個社會感覺好壓迫。我哋問佢，上咗福布斯香港富豪榜前開心啲，定係上富豪榜後開心啲，佢諗咗一下，答案係：「一樣咁開心。」
楊釗（右）同弟弟楊勳拍檔省靚「牛仔褲大王」招牌。