政情：肥彭爭筍工再添勁敵

英國廣播公司（BBC）信託主席之爭嘅最後三強名單曝光，除咗前港督彭定康打晒開口牌恨做之外，之前有報道話曾任英國《金融時報》編輯嘅英國工業聯合會會長蘭伯特（Sir Richard Lambert）都有興趣，原來最後殺出多一個勁敵，就係劍橋Newnham College校長帕特里夏．霍奇森勳爵（Dame Patricia Hodgson。

三名應徵者將會由一個獨立遴選委員會挑選，並由文化大臣侯俊偉（Jeremy Hunt）親自面試，面試後兩個禮拜再向首相呈交人選建議。講番BBC信託主席呢份筍工，年薪高達一百三十萬港元，即月薪逾十萬港元，難怪咁多人爭住做。蘭伯特係傳媒出身，有豐富金融管理經驗，人脈才能等各方面都好強勁，起碼冇肥彭被批嘅保守黨背景。而Dame Patricia Hodgson係劍橋校長出身，背景亦相當優秀。