政情：李宗德讚囡囡夠魄力
中華出入口商會尋日舉行新春酒會，已故立法會代表許長青嘅囝囝許華傑、和富社企主席李宗德嘅大女Christina李美辰、時代裘皮動物董事總經理單志明嘅囝囝Andy單曉斌等年輕人齊齊現身撐場。
身形嬌小嘅Christina一早嚟到，佢係中華出入口商會常務會董兼青年部主任，又係寧波市政協委員，公職唔少，難得爸爸李宗德倒背如流，仲讚阿女唔簡單，事關囡囡Christina有三個年幼子女，仲喺家族企業和富塑化集團幫手，冇咁上下魄力點頂得住？
李宗德盛讚愛女李美辰做得嘢。