SUN世代：建生態循環產業自設水貂養殖場
林資健○五年在內地吉林開設水貂養殖場，翌年再在齊齊哈爾開設種植玉米和大豆的農場，目的是建立一個生態循環產業經濟鏈。「水貂養殖場可為農場提供有機肥料，而農產品除咗運去市場出售外，又可做水貂飼料，有經濟效益又環保。」
無痛取皮
經營皮草生意，難免被愛護動物人士批評為殘忍，他也要為行業澄清：「養殖場嘅食、住都好好，水貂食嘅係雞蛋、雞肉、魚、牛肝、雞骨、維他命等，我哋用natural gas天然方法，令佢哋冇痛苦咁去，完全唔係好似啲雜誌咁負面，寫到血淋淋！」
不說不知，香港是全球進出口皮草數量最多的地區，在業內佔有舉足輕重的地位。他掌管皮草王國，穿衣又可會是無皮草不歡？他笑說：「我又冇特登叫人幫我做皮草喎，香港天氣都唔可以成日着啦，不過太太都會着吓皮草嘅。」
公司去年在會展的皮草展設攤位。