政情:余鵬春呻國貨業難捱貴租

  • 隨着屹立旺角上海街逾半個世紀嘅中興百貨結業,傳統國貨公司賣少見少,令好多香港人為之惋惜,香港國貨業龍頭嘅裕華國貨,董事副總經理余鵬春提起中興嘅結局,相當傷感,大嘆租金狂升,國貨業愈嚟愈難撈!

    余鵬春話上年市道暢旺,零售業受惠唔少,但市旺還市旺,國貨公司依然唔易做,事關喺呢個樓市狂潮下,租金實在太貴,中興難頂租金壓力拉閘,其實裕華都面對緊同樣難題。其實唔止國貨公司難做,好似早前都講過身兼立法會批發零售界議員嘅富貴黨副主席方剛,旗下著名時裝品牌Episode喺中環租嘅旗艦店,最近都因為業主大幅加租,而被迫搬遷改做樓上舖,中環鬧市,真係貴租到國貨同港產名牌都難以立足。

    Money18 新功能「18好路數」為你預測心水股票升跌機會率。

    感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。