政情：立會賀歲波大勝八國聯軍
狀態大勇嘅立法會足球隊尋日又出賽，今次係同駐港領事踢場賀歲賽，結果議員隊又以四比二大勝領事隊，保持不敗紀錄。聯誼之後，領事隊帶備啤酒、小食，踢完波後同議員大擦一餐，大家都話好開心。
尋日嘅領事隊堪稱「八國聯軍」，有來自荷蘭、德國、西班牙、巴林、俄羅斯、柬埔寨、汶萊同歐盟嘅代表。立法會方面，退出咗社民連嘅大舊狀態大勇，踢足全場，上半場先一記笠射入網，下半場再一腳「燙」入，賽後佢話可能自己好耐無踢，恨踢波之故，所以表現唔錯。大舊踢得生猛外，立法會外援隊都入咗兩球，將比數拉開咗。
領事隊卻擺明競賽也是娛樂，到場無耐，隨即命人帶來三大碟小食、幾箱汽水、啤酒同果汁，即時緩和咗賽前嘅緊張氣氛。最後輸波亦好有風度，邀請立法會隊一齊影相留念。
陳偉業（左）狀態大勇，喺領事隊身上連入兩球。