SUN世代：冰之驕女多才多藝
律師常常給人嚴肅文靜的感覺，想不到原來Adrienne動靜皆宜，既是運動健將，又是藝術能手。除了喜歡游泳、籃球、網球、高爾夫球及閃避球外，她最愛的是冰上曲棍球，更入選香港代表隊！「玩咗差唔多十五年！放工就會去打，一個星期打五次，係放鬆自己、紓緩壓力嘅好方法！」
「都係多得爸爸」
除體育了得外，她亦充滿藝術細胞，平日喜歡執筆繪畫，更擁有八級鋼琴造詣！多才多藝的Adrienne，把功勞歸於父親：「都係多得爸爸，佢自細要我學唔同範疇嘅嘢，確保我喺各方面平衡發展，比較全能。」
提起父親，Adrienne表示與他關係很親密，因為二人都在養和醫院上班，而且工作的房間在隔壁，常常都會見面，但她仍說：「人大咗，會想見多啲屋企人，仲會特別珍惜相聚嘅時間！」
與弟弟兒時的合照，精靈可愛。
李雅婷是養和醫院院長李維達的長女。