周末轉冷勢再爆求診潮

【本報訊】流感高峰期「撞正」農曆新年長假，市民如潮水般湧到公立醫院急症室求醫。剛過去四日新春假期，全港公立醫院急症室接獲二萬七千多人求診，比去年同期勁升三成半。有急症室醫生指，今年新春假期遇上流感高峰及持續寒流，受三重夾擊，求診人數較平日多兩成，擔心本周後期氣溫再下降，將引發另一波求診人潮。

醫管局昨公布，年初一至初四，全港急症室共有二萬七千零七十三人求診，比去年新春假期勁升三成半，創近年新高，平均每日有六千七百多人求診，比一月平均每日求診人次升逾一成。屯門、伊利沙伯及聯合醫院「最旺場」，每日平均分別有六百八十四人、五百九十四人及五百七十二人求診。屯門醫院初三有七百三十五人求診，為近七年首次有急症室新春假期單日求診人次破七百大關。

伊院急症室昨午仍逼滿病人，緊急個案須等一小時，次緊急及非緊急個案更須等五至六小時。家住土瓜灣的張太稱，昨午十二時女兒因嘔吐及四肢無力送入急症室，近兩小時後才獲打止痛針，再等兩個多小時才可取藥，「明明話緊急等一個鐘，點解個女等兩個鐘？係太忙定係無人手？」二十二歲的莫先生出現流感徵狀求醫，護士指最快要等四小時，「我即刻呆咗，心諗究竟發生咩嘢事。」

伊院急症部主管何曉輝坦言，新春假期求診人數較平日增逾兩成，雖然私家醫生昨陸續開診，但急症室壓力未見紓緩，半日已有三百多人求診，相信全日將逾六百人。去年入冬後院方已調派兩名家庭醫學醫生到急症室支援，昨亦額外「駐兵」，由平日八至九名醫生增至十一名，「人手多咗都係咁忙，診症室唔夠用，救護車排山倒海咁嚟，最忙嗰陣直情無病床畀病人過床。」

私醫亦「無停手」

何指，今年新春長假「撞正」流感高峰期，加上持續寒冷，急症室受三重夾擊，「之前凍咗咁耐，老人家中風同肺氣腫都多咗」。他預計人滿之患的情況將持續個多星期，本周後期又轉冷，不排除有另一波求診潮。

私家西醫鄭志文昨亦「無停手」，平日每日約七、八十人求診，昨截至傍晚已有逾百人求診，比去年同期增加一至兩成，每人平均需等一至兩小時，多屬上呼吸道感染及發燒等流感徵狀，預計求診人數需七至十日才回落。