SUN世代：廚房男玩新春煮意

改變需要勇氣，黃鳳星在廚具界工作逾十年，有感「三十幾歲人，唔趁依家去試，怕將來冇力氣去改變」，於是辭去高薪厚職，心口掛個勇字，與朋友合資開設冷門的廚具專門店。短短數年，生意愈做愈大，專門店已增至四間，證明這位「廚具達人」有勇有謀，走對了路。

廚具專門店「我愛廚房」在○五年初開業，發展至今，在銅鑼灣、尖沙咀及九龍灣已有四間店。執行董事黃鳳星（Paul）只有三十七歲，回想創業之初，他也自認是「敢死隊」：「廚具店喺香港算冷門，當時好多朋友都問我點解咁大膽！」

大學畢業之後，Paul在一間知名廚具公司的出口部工作，「去外國多咗，見到好多新奇吸引嘅廚具，外國好流行細細間嘅廚具店，店主嘅廚具知識好豐富，同顧客有好多交流，慢慢就諗，如果香港都有呢類專門店就好啦。」

代理歐美日逾15名牌

創業的念頭逐漸萌芽，適逢另一位同事和Paul想法一致，二人決定辭去安穩厚職，出外闖一闖。「家人都好支持，自己都三十幾歲啦，依家唔試，我驚第時冇力氣去改變！」他們合資一百萬元，開了第一間店。

Paul利用過去的工作經驗和人脈，搜羅歐洲、美加及日本的頂級優質廚具，至今已代理超過十五個外國名牌。「最初傾代理權係難o架，人哋係全國銷售No.1，憑乜去信你？我就寫全面嘅計劃書同佢哋傾。好多外國名牌，覺得香港市場細，唔會專登派人嚟香港搞，佢哋覺得有人幫手做呢個市場，又可以當係進入內地嘅踏腳石，最終都肯畀我哋代理權。」

引入的廚具，可用新奇有趣、色彩繽紛來形容，例如像筆刨的磨蒜器，又有像一片荷葉的矽膠蒸隔。「傳統廚具都係灰灰黑黑咁嘅色，我覺得下廚應該係開心有趣，所以特登搵一啲市面少見、實用得嚟又好玩嘅廚具。」

自家製作平價靚廚具

他又以「我愛廚房」做品牌，推出自家優質廚具。此系列的特點是「鋼水足」，廚具以一幅過的三層鋼做成，與某德國名牌同一規格，但價錢賣平一半。

店舖取名「我愛廚房」，就是想吸引真正的烹飪愛好者，故三月份在尖沙咀一間商場的分店推出「智味廚」，不定期在店內舉辦廚藝班、試食會、產品發布會等。他又密謀在各大百貨公司增設專櫃，令品牌更「入屋」。這位「廚具達人」謙稱：「我未算成功，但客人買到啱心水嘅廚具，得到佢哋讚賞，呢份滿足感好大！」