政情：梁國權難撇八達通醜聞
因為港鐵行政總裁周松崗喺年底約滿後就榮休，要全球招聘物色繼任人選。其中一個熱門人選就係港鐵財務及業務拓展總監梁國權，佢喺公司管理層入面算係好後生，本來接棒上位冇難度，可惜舊年爆出單八達通出賣客戶私隱事件，搞到佢要辭任八達通公司非執行主席，跑出機會率即時大減。
梁國權喺八達通私隱醜聞之後，人氣指數飆升，街上面都多咗好多人認得佢。即使佢努力同單醜聞「撇除」壞帳，但唔多唔少對佢條青雲路有啲影響。
早幾日佢同傳媒一齊去視察深圳地鐵發展，順口問吓有冇人搵佢做總裁，佢即時變得好審慎，猛話自己喺港鐵好多嘢睇，海外發展、內地業務呀咁，一於帶傳媒遊花園。對於係咪會接棒？佢避開冇講嘞。
