City Parade：碼頭潮聖
名牌旗艦店喺香港愈開愈多，國際名牌Christian Dior嘅北京道旗艦店上月尾重開。逾三百位中港台明星、潮人及名媛急不及待「朝聖」。大會喺三號碼頭搭建巨型帳篷開Party，Dior架起一百二十米長枱做時裝騷，多套華麗春夏新裝，任由嘉賓先睹為快。靚衫，配上名錶，相得益彰。「上海腕錶」早前舉行展覽會，展出五枚鑲嵌珍貴美鑽嘅全新陀飛輪腕錶系列。
名模登「枱」行貓步
名模喺一百二十米長枱上展示Dior春夏瑰麗新裝。
李桂蘭美腿誘人
前民政事務局常秘李麗娟細妹李桂蘭（左）好抵得冷，穿上性感tube dress晒長腿，旁為友人Eunice Wong。
周慧敏黃偉文喜相逢
藝人周慧敏和創作人黃偉文喺派對上喜相逢。
邱李茂琪拍拖晒幸福
名媛邱李茂琪有老公邱子傑相伴睇騷，一臉幸福。
琦琦任達華各有所迷
琦琦話新年最恨食白糖糕及笑口棗，老公任達華就話係蘿蔔糕迷。 （麥潤田攝）
榮文蔚何明懿孖住睇騷
Dior春夏時裝騷別開生面，名媛榮文蔚（左）與何明懿（右）又點會錯過？
何倍倩潮捧名錶
恒生新抱何倍倩係鐘錶愛好者，又點會唔捧場。
梁家駒滑雪賀年
律師梁家駒與太太有影皆雙，新年結伴遊北海道滑雪。
溫碧霞舉家遊埠
藝人溫碧霞新年一家三口去布吉歎世界。