政情：名人姹紫嫣紅現身馬場
新正頭，好多人都會穿紅戴紫，務求鴻運當頭。尋日名人紛紛現身馬場，大家都喺衣飾上做足工夫，鋼鐵大王龐鼎元太太龐熊少珠尋日一身紫紅唐裝，佢家族旗下愛駒「點心」揚威「主席短途獎」，袋咗二百五十多萬元巨獎，可以話大發新年財！而李運強太太同仁濟醫院董事局主席董吳玲玲亦一身紅彤彤，佢哋同樣財星高照，真係唔到你唔信！
男士嘅打扮就比較含蓄，滙豐中國董事長鄭海泉打紫色呔，恒隆董事總經理陳南祿同「造紙大王」理文造紙主席李運強就以紅呔旺吓。
愛駒「點心」勇奪「主席短途獎」，龐太（前排左）與孫兒龐俊怡（前排中）從馬會主席施文信（前排右）手上接過獎項。
鄭海泉（右）打紫色呔入場，太太就着紅褸，襯到絕！
「造紙大王」李運強（右）與一身紅彤彤嘅太太入場。