政情：橄欖愛女細仔兔年傳婚訊

建仔嘅立法會議員陳鑑林（橄欖）每年都會喺新正頭，邀請傳媒去佢位於沙田十二笏村間村屋大宅拜年，今年移師到佢大仔喺牛池灣嘅屋企，因為村屋要裝修幾個月。尋日講起至知，橄欖鴻運當頭，榮升爺爺外，個女同細仔今年都會結婚，難怪佢笑呵呵喇。

橄欖嘅大仔舊年聖誕節一索得男，佢哋暫時搬到大仔附近住，方便湊孫，陳家長子嫡孫名叫陳源東，意指源自香港東方之珠。至於佢嘅愛女同二十四歲嘅細仔亦分別鐵定於五月及十月結婚，一年內辦齊兩件喜事，佢個女仲話，結婚後會搬返屋企同佢一齊住添。

Money18 新功能「18好路數」為你預測心水股票升跌機會率。

陳鑑林抱住大仔（後）同新抱（右）生嘅乖孫真係笑到合唔攏嘴。左為陳鑑林太太。