喺寒冷天氣警告下，沙田馬場仍然好熱鬧。保良局前主席何志豪嘅愛駒「一定爆」上陣，搵嚟保良副主席鄭錦鐘同啱啱成為福布斯富豪嘅莎莎老闆郭少明撐場。另一位保良前主席曹金霖嘅「森林活泉」都有份出戰，有人建議將保良成員馬匹包括「一定爆」、「森林活泉」，加埋莎莎老闆娘兼保良總理郭羅桂珍隻「締造美麗」串埋一齊，博過三關。結果，頭關、二關三扒兩撥勝出。
尾場焦點落喺「締造美麗」，郭少明嘅愛駒不負眾望，輕易揮低同場嘅「爆冷」，凱旋而歸，獎金高達四百五十幾萬元，真正過肥年。
郭少明（前排右二）好興奮咁高舉「董事盃」，同太太（前排左二）及女兒Kitty（前排左一）分享喜悅。
