新一份預算案下月公布，社會要求政府開倉紓解民困嘅呼聲此起彼落，但財爺鬍鬚曾一意孤行，至今拒絕承諾喺預算案派糖，仲話用「派糖」嚟形容紓困措施唔啱添！
立法會會計界議員「波波」陳茂波尋日喺電台節目《給香港的信》，再次促請鬍鬚曾提扶貧措施，仲好感觸咁話，做高官要「高瞻遠矚」、「體恤民情」、「謙恭自省」，而唔係做頑固守財奴。唉，睇嚟波波呢番偉論當係許新年願望算嘞，事關市民年年都咁望㗎啦，但係年年都失望，班高官根本當民意係耳邊風！