政情：蔣家團年飯輪流下廚

年宵攤檔已成為政黨宣傳嘅陣地，建仔今年都租咗多個檔位，尋日建仔主席譚耀宗同副主席蔣麗芸都去到荃灣撐黨友。蔣麗芸（Ann）祝願香港新一年經濟好，港人就身體好。問到過年節目時，阿Ann透露今晚會同兄弟姊妹一齊陪爸爸團年。

蔣家兄弟姊妹眾多，團年飯原來由幾兄弟姊妹輪流煮，今年輪到五妹蔣麗苓下廚，所以阿Ann都話好期待。佢哋仲為爸爸預備咗新春之旅，等爸爸去東南亞避寒，不過佢就行唔開，只可以去內地短遊。

Money18新功能「18好路數」為你預測心水股票升跌機會率

蔣麗芸話春節唔會遠行，只會到內地城市短遊。