政情：屯門鄉會拒益太平紳士
「新界王」劉皇發連任龍鼓灘村代表後，面臨另一啲地區暗湧。屯門鄉事委員會執委會尋日討論修改規章，建議禁止原居民以太平紳士身份成為鄉委會當然執委，又建議訂明鄉委會主席最多只可以做兩屆共八年任期。
發叔以龍鼓灘原居民代表身份啱啱取得鄉委會入場券，不過明眼人都知道今次修章衝住佢而嚟，如果修章建議下月十四號經全體村代表大會通過，咁太平紳士喺鄉委會嘅特殊地位將從此成為歷史。若然修章具有追溯力，咁發叔就肯定冇機會再做鄉委會主席。
尋日開會時，二十二個執委會成員中有二十個出席，主席發叔唔知係咪知道大勢已去，索性前日起休假。