古怪「警模」擺甫士博出位

【本報訊】賭王家族爭產風波吸引全城人的眼球，連警員都有份做「臨記」。三太陳婉珍半山布力徑大宅外，昨午驚現搶鏡「警模」。一名「一柴」男警與同袍接到車輛阻路投訴，到大宅外驅趕採訪車時，無厘頭「黃子華上身」，在大批記者面前上演「楝篤笑」，又舉起V字手勢擺甫士任影，又謂：「鍾意就影我啦……我都想上位，我仲想升三柴（警長），想畀人知道吓我。」然後又突然「變臉」，一臉嚴肅警告記者如不合作就採取票控，其古怪行徑令人瞠目。警方表示，會跟進調查。

高舉V字手勢

三太陳婉珍的大宅外，昨日保安嚴密，泊滿保安公司車輛和採訪車。昨午十二時，一輛灣仔警區的警車到場，車長用車上揚聲器警告有關車輛離開，其後三名警員下車維持秩序。未幾警車車長亦落車，行至三太大宅門前，他見有記者從其背後拍照，該男警突然大玩爛gag：「影啦，你哋影我啦，鍾意就影我啦，影還影唔好出樣，掟上網都唔緊要，記得打格仔，我都想上位，仲想升三柴，想畀人知道吓我。」說後更站在大閘前，先後舉起左右手高舉V字手勢，並轉角度讓記者拍照，圍觀記者驚訝之餘，亦被其反常行為笑爆嘴。

「影我出嚟，我保留法律追究責任。」該警員說完又嚴肅道：「你哋執生啦，第二個九九九再嚟……我畀警告你哋先，盡量唔好行落馬路，你哋搵食由得你哋，掂唔掂？」其後他稱再接報到場就向違例車輛發告票，他滔滔不絕擾攘二十分鐘後終離去。

警察員佐級協會主席黃程形容該警舉動好「罕見」，警隊守則規定警員必須維護警隊形象，至於警員在執勤時應否作出勝利手勢給記者拍攝，他稱因不清楚實際情況而不作回應。警方發言人表示，該名警員隸屬跑馬地分區巡邏小隊，該分區指揮官正了解事件，並會跟進調查。