政情：陳啟宗着中山裝唔扣鈕
商界大忙人恒隆集團主席Ronnie陳啟宗，經常要穿梭各種場合，所以無論幾時見佢都係西裝筆挺示人，但早前喺明天更好基金活動上，見佢好罕有咁着件「源」（Blanc de Chine）出品嘅中山裝。
Ronnie不嬲都好敢言，當日佢親自演繹咩叫做「衣如其人」。佢將件灰色中山裝嘅衣扣全部敞開，同傳統扣到上頸嘅着法好唔同，成個人多咗幾分瀟灑，仲要打番條呔添！佢勁讚中山裝好着又實用，事關衫袋夠大夠多，方便放卡片、電話等隨身物品。佢又套用政務司司長唐唐嘅經典名句，話打呔「條條fing」好唔方便。唔知係咪想乘機寸吓唐唐呢？
