中資證券行「濱海鎰泰」尋日舉行開幕酒會,「玩具大王」蔡志明同囝囝蔡加讚齊亮相。蔡志明堪稱「樓王」,問起點睇今年股市,佢好有信心,睇好今年中港經濟繼續好,港股繼續暢旺,嚟自四方八面嘅熱錢,會持續流入香港。咁睇好邊類板塊嘅股票呀?蔡志明就賣關子話:「隻隻股票嘅特性都唔同,好難評論。」
通脹升溫,令百物騰貴,經營玩具廠嘅蔡志明都感同身受,幸好內地廠房屬於自己物業,唔使捱貴租,但人工壓力就無可避免嘞。
蔡志明同加讚齊撐「濱海鎰泰」開幕,話熱錢滾滾來,對香港利多於弊。