三房超雲：爸爸好精神
【本報訊】對於母親陳婉珍獲分股份，三房長女超雲說：「我唔知係真定假，我冇睇電視。（怕唔怕外間因見今次股權變動，擔心賭王身體唔好？）如果問我股份問題我真係唔知，但係爸爸嘅身體就非常之好，剛同佢飲下午茶，佢好精神。（幫媽咪接手家族生意？）我想了解吓先，依家未得到證實。（有冇興趣？）冇諗過咁長遠，依家我仲讀緊書。」
至於身為澳博執行董事的霍震霆，對股權變動回應說：「今次係何生家庭內部嘅私人股份分配，早上已收到消息。（同你哋有冇牴觸？）唔關事。（股東變動會否開會？）當然會，係上市公司嚟嘛。」
三房的何超雲（中）和何超蓮（右）在何鴻燊康復後，陪伴父親外出進膳。 （資料圖片）