SUN角度：司機難捱：一開工就要畀成千銀

目前全港七成多的公共小巴都是綠色專線小巴，俗稱「紅頂」的紅色小巴只剩下一千二百多架。面對車租加、燃料費加，司機「開工成本」直線上升，部分紅色小巴司機慨嘆，要維持生計十分艱難：「做足十二個鐘，扣除開支都係賺得二、三百蚊！依家啲客仲愈來愈少，嗰日唔蝕都算偷笑！」

連踩12粒鐘始維到皮

每天早上七時，紅色小巴司機杜先生已經在上客，他直指：「依家皮費愈來愈貴，但係做一個客先得幾蚊，唔早啲開工、做夠一個對（十二小時），點維到皮！」杜先生續說：「車租收六百，入氣錢（燃料費）又要四百，一開工就預咗要畀成千蚊出嚟！」

近期燃料價格愈來愈高，更令一眾紅色小巴司機百上加斤。

另一位小巴司機吳先生無奈地說：「石油氣價每個月都逐啲逐啲加，但咁多競爭，又有地鐵，車費都已經唔敢加，惟有自己食埋嗰差價！」

吳先生又指出，現時禁區愈來愈多，生意更難做：「成條街得一個位上到客，如果在禁區上落客，收一張告票罰四百五，嗰日等於白做！」