正蜜運中嘅「九巴金公主」Winnie伍穎梅同男友許晉平感情穩定，好多人關心佢哋幾時好事近，尋日喺明天更好基金活動上問Winnie幾時派利是，會唔會做兔新娘，佢就含羞答答咁話唔好問呢啲嘢喎！
Winnie仲自爆農曆新年唔會外遊，聲言要留港過年。講到過春節，佢話最回味屋企年屆八十幾歲老工人有姐整嘅蘿蔔糕，落足料唔在講，佢特別期待係揭開鑊蓋一刻散發出嘅蘿蔔糕香味，同外間賣嘅蘿蔔糕真係冇得比喎！
伍穎梅攞住個兔公仔恭喜大家發財，但唔回應自己會唔會做兔新娘。
