日本岐阜縣政府前晚舉行飛驒牛春日盛宴,慶祝飛驒肉食中心首次成為香港認可肉食輸出機構,老友多多嘅足球總會前主席余錦基今次係第六次品嘗飛驒牛,佢鍾意飛驒牛肉質嫩滑,而且肥膏分布好均勻,口感唔會太肥膩,之前香港未有得賣,佢啲朋友特登用私人飛機空運返嚟畀佢品嘗。
余錦基(左起)、香港岐阜縣會長若井節子同藍帶美食協會遠東區會長古載禮,一齊品嘗飛驒牛嘅鮮味。