政情：肥彭爭筍工再遇強敵
英國廣播公司（BBC）信託嘅主席之爭進入白熱化階段，有留意開嘅朋友都記得，前港督彭定康對呢個年薪一百三十幾萬港元嘅主席之位非常有興趣，打晒開口牌話恨做。英國有報道話，肥彭嘅其中一個勁敵已經棄選，但肥彭唔使高興住，因為佢要跑贏另外一個對手，都絕對唔容易。
現階段同肥彭爭崩頭嘅，係曾任英國《金融時報》編輯嘅英國工業聯合會會長蘭伯特（Sir Richard Lambert），過幾日仲會進行首輪面試添！蘭伯特係傳媒出身，有豐富金融管理經驗，又冇肥彭成日捱批嘅保守黨背景，人脈、才能等各方面都夠晒強，所以喺最後關頭打贏肥彭，一啲都唔出奇。
至於肥彭，亦已經出席咗首輪面試，但佢急急腳去咗旅行，如果要進行第二輪面試，分分鐘趕唔切返嚟，如果因為歎世界而錯過第二次面試，就真係恨錯難返喇！
前港督彭定康