政情：曾浩輝過年零舍難為情
講起利是，身為「鑽石王老五」嘅衞生防護中心總監曾浩輝就對收利是感到特別難為情，佢尷尷尬尬咁話咁大個人仲
緊利是。咁最高峰有幾多進帳？佢嘅答案係「秘密」。
同曾浩輝傾開，原來佢個家族好多成員，爸爸有七兄弟姊妹，所以過年氣氛濃厚，年初一例必到大伯父屋企拜年，初二就去媽媽親戚屋企，初三就等人嚟拜年。
過年外遊一樣咁高興，馬會大董李國棟嚟緊農曆年會同太太遊日本，依家日圓匯率高企，李國棟大呻「無陰功」，問佢會唔會叫太太少啲購物，佢就笑而不語。近期世界各國響應罷食藍鰭吞拿魚，佢都話會響應唔食吞拿魚，呢個世界仲有好多嘢食喎！
