SUN世代:成功之道隨時起飛

林曉盈生命中有三位非常重要的男性，就是她的父親林志權、契爺鄭泳忠和七歲的兒子。記者甫踏進「昌利行」在觀塘的寫字樓，她第一件事不是自我介紹，而是先介紹父親和契爺。「佢哋兩個好犀利，教識我好多嘢！」

工作第1 囝囝排1.5

她說父親和契爺的眼光開闊，永遠走前一步。「我哋第一間廠喺番禺，當時係文革之後，係香港第一間公司喺內地設廠，到八○年佢哋已經去印尼、斯里蘭卡、柬埔寨開廠，依家廣東省成本上漲，做廠已好困難，證明佢哋真係好有前瞻性。」

林曉盈為了方便傾生意，辦公室內放了幾個行李篋，準備隨時飛。「我成日同美國啲客講，畀四十八小時我，我就會出現喺你辦公室！」忙得不可開交，但每當看見放在辦公桌的兒子照片，臉上即泛起笑意。「我係single parent，個仔好乖，我放假最鍾意同佢一齊玩煮飯仔，工作雖然排第一，但我個仔唔係排第二，起碼排一點五！」她哈哈笑說。