SUN世代:最低做起太子女上位襪語

林曉盈的家族經營手襪生意，產品行銷大半個地球。她接手生意後並無一步登天，反而從低做起，最初只是全公司最低級和最低薪的跟單員。她明白自己沒有經驗，不用周圍搵工已算好彩，「初出茅廬識得乜吖，好清楚我唔係嚟幫手，而係嚟學嘢。」努力不懈拾級而上，今天已蛻變成獨當一面的手襪天后。

文：李嘉怡　攝：葉華英

七十後的林曉盈是昌利行董事，昌利行在上世紀六十年代初，由林曉盈的父親林志權和契爺鄭泳忠創辦。發展至今，業務包括替不同牌子製造手襪，由歐美頂級時裝名牌，到運動及勞工用的手套都有，廠房遍布東南亞，銷售遍及歐美多國。

林曉盈有一兄一弟，八九年舉家移民加拿大。她在多倫多大學經濟系畢業，近年再修讀行政工商管理碩士。九六年她加入公司，沒有擺出太子女的姿態，而是從低做起。

翻睇舊傳真揣摩客脾性

她最初在銷貨部做跟單，是「全公司最低級和最低薪」，「低薪係應該，冇經驗點可以要求高人工！」由零開始，學習按客人要求將定單及圖樣交給廠房，「我要用手畫圖，即使係一條線都要畫好佢。」

半年後，部門經理突然請辭，留下美國大客由她處理。「我要喺短時間內知道個客嘅脾性，知道啲單係點。我特別將個客過去兩年嘅業績、傳真睇一次，星期一至日，冇一日早過夜晚十一點半離開公司。」她又獨自飛往美國拜訪客戶，最終順利傾成生意。

掌握公司運作後，林曉盈將生意繼續擴展。「做手襪同做一般製衣好唔同，比起製衣，手襪其實好細微，好多時會有訂唔到布嘅情況，所以我加入生產頸巾、帽、腳套等套裝產品，客人都好鍾意，生意仲上升咗。」

身為管理層，她明白集思廣益非常重要，故推出名為「Ｃ＆Ｃ」的創新及改良計劃，任何員工都可向公司提意見。「我哋雖然係家族公司，但絕對唔係家長式文化，員工提出嘅意見只要係好嘅都會接納，仲會有獎狀同獎金做鼓勵。」

膠樽做布料環保穿上身

環保是現今大潮流，林曉盈早前與美國最大型的超市合作，將膠樽轉化為環保再生衣料，生產環保抓毛手襪套裝。「用膠樽做布料，會令布料好硬，我哋特別改良，加入更多柔順劑，令到手襪又軟又環保。」環保套裝今年初在美國推出，八百萬件貨迅即沽清。「未來會同更多零售商合作，始終零售先可以將環保訊息直接帶給顧客。」去年她榮獲傑出青年企業家獎，足證努力沒有白費。