日前醫管局嘅聚餐搞咗個「俊男美女廚房」環節，由新任總裁PY梁栢賢、主席「肥胡」胡定旭同九龍東聯網總監雷操奭，分別拍住傳媒代表獻廚藝，最終肥胡以一分之微輸咗畀PY，屈居第二。
其他兩隊煮平民化嘅番茄牛肉炒蛋，肥胡就別出心裁，煮咗味鴛鴦餸出來，一邊係紅椒洋葱炒雞柳，另一邊係黃綠椒炒肉片，但調味落得太重手，評判話鹹得滯，扣咗少少分，睇嚟肥胡好耐冇下廚咁喎！
梁栢賢（右二）同肥胡（左二）鬥廚藝，肥胡以一分之微輸咗。
