尋日下晝三點，喺中環ifc間超市撞到中聯辦副主任李剛，見佢同一對後生仔女選購貨品，最後佢推住一大車食品到收銀處以金卡付款。期間李剛同個後生女有講有笑，唔知呢對後生仔女同李剛有乜關係呢？
付款後，三人挽住一袋二袋行出超市門口，落地下商場出口坐車，見車尾放置多件行李，估計呢對後生仔女啱啱喺外地回港。
記者上前同李剛打招呼，佢話買完嘢準備返屋企。問佢農曆年會否外遊？佢就笑一笑話仲未諗到去邊喎！
李剛同一對後生仔女挽住一袋二袋食品離開超市。
